Eki oblysta kólik qozǵalysyna ýaqytsha shekteý qoıyldy

ASTANA. KAZINFORM – QazAvtoJol aýa raıyna baılanysty Abaı men Qaraǵandy oblysynda kólik qozǵalysy shektelgenin habarlady. 

18 qańtar saǵat 19:00-de aýa raıynyń buzylýyna baılanysty kelesi respýblıkalyq mańyzy bar avtojoldarda jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysyna shekteý engiziledi. 

Abaı oblysy

• «QHR shekarasy – Maıqapshaǵaı – Zaısan aınalma joly – Qalbataý –Semeı – Pavlodar – RF shekarasy» avtojolynyń 756-1087 shaqyrym aralyǵy (Semeı qalasy – Boǵas aýyly);

• «Almaty – Taldyqorǵan – Óskemen – Shemonaıha – RF shekarasy» avtojolynyń 778-967 shaqyrym aralyǵy (Aıagóz qalasy – Qalbataý aýyly);

• «Semeı – Qaınar» avtojolynyń 8-284 shaqyrym aralyǵy (Semeı qalasy – «Qaraǵandy – Aıagóz – Tarbaǵataı – Boǵas» avtojolyna deıin);

• «Semeı – Qaınar» avtojolynyń 2-113 shaqyrym aralyǵy (Semeı qalasy- RF shekarasy);

• «Qaraǵandy – Aıagóz – Tarbaǵataı – Boǵas» avtojolynyń 320-941 shaqyrym aralyǵy, (Qaraǵandy oblysy shekarasy – Boǵas aýyly);

Qaraǵandy oblysy

• «Qaraǵandy – Aıagóz – Tarbaǵataı – Boǵas» avtojolynyń 217-320 shaqyrym aralyǵyndaǵy (Qarqaraly qalasy- Abaı oblysy shekarasy) reıstik avtobýstar men dızel otynymen júretin avtokólikterdiń qozǵalysyna shekteý engiziledi.

Aıta keteıik, joldy 2026 jylǵy 19 qańtar saǵat 08:00-de ashý josparlanyp otyr. 

Osyǵan deıin 14 oblysta aýa raıyna baılanysty eskertý jarııalanǵanyn jazǵan edik.