Abaı oblysynda kólik qozǵalysyna ýaqytsha shekteý qoıylady

SEMEI. KAZINFORM – Aýa raıynyń qolaısyzdyǵyna baılanysty Abaı oblysynda respýblıkalyq mańyzy bar avtojoldyń bir bóliginde kólik qozǵalysyna ýaqytsha shekteý engizildi.

QazAvtoJoldyń dereginshe, 14 qańtar kúni saǵat 23:30-dan bastap «Almaty – Taldyqorǵan – Óskemen – Shemonaıha – RF shekarasy» avtojolynyń 683-768 shaqyrym aralyǵyndaǵy ýchaskesinde, ıaǵnı Taskesken aýylynan Aıagóz qalasyna deıingi bólikte jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysy toqtatylady.

Aldyn ala josparǵa sáıkes, jol qozǵalysyn 2026 jylǵy 15 qańtar kúni saǵat 09:00-de qaıta ashý kózdelip otyr.

Qosymsha aqparatty táýlik boıy 1403 baılanys ortalyǵyna habarlasý arqyly alýǵa bolady.

Aıta keteıik, keshe eki óńirde kólik qozǵalysyna shekteý engizildi.