Abaı oblysynda kólik qozǵalysyna shekteý qoıylyp, Jetisý men ShQO-da jol ashylady

ASTANA. KAZINFORM – «Qazavtojol» mekemesiniń habarlaýynsha, búgin Abaı oblysynda kólik qozǵalysyna shekteý qoıylyp, Jetisý men ShQO-da jol ashylady.

Atap aıtqanda Abaı oblysynda kún raıyna baılanysty búgin saǵat 06:40-ta «Óskemen – Semeı» avtojolynyń 103-198 shaqyrym aralyǵy (Shyǵys Qazaqstan oblysynyń shekarasy- Semeı qalasy) - «Semeı – RF shekarasy» avtojolynyń 2-113 shaqyrym aralyǵynda (Semeı qalasy- RF shekarasy) kóliktiń barlyq túriniń qozǵalysyna shekteý engiziledi.

Joldy ashý saǵat 15:00-ge josparlanǵan.

Al Jetisý oblysynda 08:00-de respýblıkalyq mańyzy bar «Úsharal – Dostyq» avtojolynyń 84-164 shaqyrym aralyǵyndaǵy ýchaskesinde (Kóktuma aýyly – Dostyq stansasy), sondaı-aq ShQO-nyń  «Óskemen – Altaı – Úlken Naryn – Katonqaraǵaı – Rahman qaınary» avtojolynyń 7–166 shaqyrym aralyǵyndaǵy ýchaskesinde (Ýshanovskoe aýylynan Altaı qalasyna deıin) kóliktiń barlyq túri úshin qozǵalys ashylady. 

Osyǵan deıin eki oblysta kólik qozǵalysyna ýaqytsha shekteý engizilgeni týraly jazdyq.