Abaı oblysynda qyzdy pyshaqtap óltirdi degen kúdikpen 20 jastaǵy jigit ustaldy
SEMEI. KAZINFORM - Abaı oblysy Borodýlıha aýdanynda qyzdy óltirdi degen kúdikpen er adam ustaldy.
Oblystyq Polıtsııa departamenti baspasóz qyzmetiniń málimetine súıensek, 13 shilde kúni tańǵy saǵat 06:00 shamasynda Borodýlıha aýylynda jergilikti turǵyn óz úıiniń mańynan pyshaq jaraqattary bar boıjetkenniń máıitin tapqan.
- Atalǵan derek boıynsha adam óltirý faktisimen qylmystyq is qozǵaldy. Jedel-izdestirý sharalarynyń nátıjesinde polıtsııa qyzmetkerleri kúdiktiniń kim ekenin anyqtap, aýdannyń 20 jastaǵy turǵynyn qolǵa túsirdi. Qazirgi ýaqytta ol ýaqytsha ustaý ızolıatoryna qamaldy, - dep habarlady vedomstvo ókilderi.
Tergeýdiń aldyn ala málimetinshe, kúdikti men marqum bir-birin tanyǵan. Olardyń arasynda janjal shyqqan.
Qazirgi ýaqytta oqıǵanyń barlyq mán-jaıyn jan-jaqty anyqtaýǵa baǵyttalǵan qajetti tergeý áreketteri júrgizilip jatyr.
Eske salsaq, osyǵan deıin Atyraýda áıelin qyzynyń kózinshe pyshaqtap óltirgen zeınetker 15 jylǵa sottalǵany habarlanǵan.
