Abaı oblysynda qylmystyq top ormannan 500 mln teńgeniń aǵashyn urlaǵan
SEMEI. KAZINFORM – Abaı oblysynda polıtseıler ormannan aǵash urlap kelgenderdiń qylmystyq shemasyn áshkereledi.
Oblystyq PD uıymdasqan qylmysqa qarsy kúres basqarmasynyń qyzmetkerleri qaraǵaı kóshetterin urlap kelgenderdi ustady.
– Qylmystyq toptyń quramyna jergilikti turǵyndar men «Semeı ormany» memlekettik tabıǵı rezervatynyń burynǵy qyzmetkerleri kirgen. Júrgizilgen is-sharalar nátıjesinde Pavlodar oblysynda 38 jastaǵy uıymdastyrýshy men onyń sybaılastary ustaldy. Olardyń barlyǵy qamaýǵa alyndy, - deıdi ІІM uıymdasqan qylmysqa qarsy kúres departamentiniń ókili Qýandyq Alpys.
Jalpy sany 260 myńnan astam kóshet tárkilendi. Olardyń quny 500 mln teńgeden asady. Osy rette, ishki ister mınıstrligi orman qoryn zańsyz kesý, joıý jáne urlaý el ekologııasyna orasan zor zııan keltiretinin eske saldy.
Buǵan deıin Abaı oblysynda 753,1 myń gektarǵa aýyl sharýashylyǵy daqyldary egilgeni jaıly jazǵanbyz.