Abaı oblysynda qatty jel mektep shatyryn ushyryp áketti
Abaı oblysynda qatty jel birneshe ǵımarattyń shatyryn ushyryp áketti, dep habarlaıdy Kazinform tilshisi óńirlik Tótenshe jaǵdaılar departamentine silteme jasap.
Vedomstvo dereginshe, saǵat 06:00-de Besqaraǵaı aýylynda ekpini sekýndyna 20 metrge jetken jel Dolon bastaýysh mektebiniń shatyryn ushyryp áketken. Onyń aýdany - 288 sharshy metr. Abyroı bolǵanda zardap shekken eshkim joq. 2020 jyly shatyrǵa jartylaı jóndeý jumystary júrgizilgen.
Sondaı-aq Besqaraǵaı aýdanyndaǵy Krıvınskıı bastaýysh mektebi de shatyrsyz qaldy. Qatty jeldiń saldarynan sport zaly men akt zalyna japsarlaı salynǵan ǵımarattyń shatyry qırady.
- Semeıde saǵat 12:32-de Shákárim atyndaǵy memlekettik ýnıversıtet ǵımaratynyń shatyry búlingeni týraly habar kelip tústi. Bul kezde jel ekpini sekýndyna 18 metrge deıin jetken, - delingen aqparatta.
Jel qala kósheleriniń birindegi jer úıdiń shatyryn da julyp áketti. ıÝnost shaǵyn aýdanyndaǵy 44793 áskerı bólimi angarynyń shatyryn da jel ushyrǵan. Qazirgi ýaqytta barlyq mán-jaı anyqtalyp jatyr.
