Abaı oblysynda kásipkerlik úshin nesıe rásimdep berem degen alaıaq ustaldy

ASTANA. KAZINFORM — Aıagóz aýdanynyń polıtsııasyna 59 jastaǵy jergilikti turǵyn alaıaqtyq faktisi boıynsha aryzmen júgindi, dep habarlaıdy vedomstvonyń baspasóz qyzmeti.

Aryzdanýshynyń aıtýynsha, 2025 jyldyń qazan aıynda tanysy — Jetisý oblysynyń 39 jastaǵy turǵyny «jeke kásip ashýǵa kómektesemin» degen syltaýmen onyń jeke derekterin paıdalanyp, 2 mıllıon teńge nesıe rásimdep alǵan.

Odan keıin kúdikti 1 000 000 teńgeni óz jeke shotyna aýdaryp, aryzdanýshyǵa 1 000 000 teńge materıaldyq zalal keltirgen. Sotqa deıingi tergeý barysynda dáleldik máni bar materıaldar, sonyń ishinde nesıe tarıhy alynǵan.

— Kúdikti óz kinásin moıyndady. Alaıaqtyq faktisi boıynsha sotqa deıingi tergeý bastaldy. Kúdiktige qatysty protsessýaldyq mindet — mindetti túrde kelý túrindegi shara qoldanyldy, — delingen habarlamada. 

Polıtsııa azamattarǵa jeke jáne banktik derekterińizdi úshinshi tulǵalarǵa bermeýge eskertedi, kez kelgen qarjylyq operatsııalardy tek ózińiz jasap, resmı arnalar arqyly júrgizińiz.

Osyǵan deıin óskemendik áıel alaıaqtarǵa aqsha aýdaraıyn dep jatqan 79-daǵy ájeni toqtatqanyn jazǵan bolatynbyz.