Abaı oblysynda qarjy pıramıdasyn uıymdastyrǵan eki azamat sottaldy

ASTANA. KAZINFORM – Semeı qalasynyń №2 soty eki qala turǵynyn qarjylyq pıramıda uıymdastyryp, oǵan qatysqan 26 azamatqa jalpy somasy 20 mln teńge zalal keltirgeni úshin kináli dep tanydy.

Bas prokýratýranyń deregine qaraǵanda, 2023 jylǵy qyrkúıek pen qazan aılary aralyǵynda atalǵan adamdar Semeı qalasyndaǵy kompanııa keńsesinde kezdesýler men semınarlar ótkizgen.

Olar jańa qatysýshylardy tirkeýmen, kompanııa júıesinde akkaýnttar jasaýmen jáne «WhatsApp» messendjeri arqyly úgit-nasıhat materıaldaryn taratýmen aınalysqan. Bul qyzmet azamattardy elektrondy valıýtaǵa ınvestıtsııa salý jáne bonýs alý ýádelerimen júıege tartýǵa baǵyttalǵan.

- Sot úkimimen kinálilerdiń birine 4 jyl, ekinshisine 3 jyl bas bostandyǵyn shekteý jazasy taǵaıyndalyp, ekeýine de 2 jylǵa qarjylyq qyzmetpen aınalysý quqyǵynan aıyrý jazasy berildi. Zalaldyń bir bóligi óteldi.

Sot barysynda memlekettik aıyptaýshy aıyptalýshylardyń kinásin tolyq dáleldedi, - delingen aqparatta.

Úkim zańdy kúshine endi.

Aıta keteıik, Almatyda úsh qarjy pıramıdasynyń qyzmetine tosqaýyl qoıyldy.