Abaı oblysynda qar qursaýynda qalǵan kólikterden 96 adam evakýatsııalandy
ASTANA. KAZINFORM – Respýblıka aımaqtarynda kóktem bastalǵanyna qarmastan kóp jerlerde qar áli qalyń. Soǵan qaramastan alys jolǵa shyǵyp, kóligimen jol ortasynda turyp qalý jaǵdaılary áli de azaıaar emes.

QR Tótenshe jaǵdaılar mınıstrligi baspasóz qyzmetiniń habarlaýynsha, Abaı oblysynda aýa raıynyń nasharlaýyna baılanysty respýblıkalyq mańyzy bar Almaty - Taldyqorǵan - Óskemen - Shemonaıha - RF shekarasy tas jolynda 203 kólik qar qursaýynda turyp qaldy.
TJM kúshteri, QR TJM Qasym Qaısenov atyndaǵy 68303 áskerı bóliminiń jáne QR QM áskerı qyzmetshileri qar qursaýynan 96 adamdy onyń ishinde 42 balany Aıagóz qalasynyń ýaqytsha ornalastyrý pýnktine evakýatsııalady, sondaı-aq shamamen 203 kólikti qar qursaýynan shyǵardy.
- TJM júrgizýshilerge saparǵa shyǵar aldynda aýa raıy boljamyn baqylap, tótenshe jaǵdaılar úshin qajetti zattardy ózimen birge alyp júrýge keńes beredi, -delingen habarlamada.
Osyǵan deıin Abaı oblysynda 100-ge jýyq kólik qar qursaýynda qalǵany týraly jazdyq.