Abaı oblysynda kameralardyń kómegimen 7 myńnan astam quqyq buzýshylyq anyqtaldy
SEMEI. KAZINFORM — Abaı oblysynda polıtsııa qyzmetkerleri beınebaqylaý kameralarynyń kómegimen 7 myńnan astam quqyq buzýshylyqty tirkedi.
Óńirde «Taza Qazaqstan» respýblıkalyq ekologııalyq aktsııasy aıasynda quqyq buzýshylyqtardy anyqtaý úshin beınebaqylaý kameralary men zııatkerlik monıtorıng júıeleri kómektesip jatyr.
— Aktsııa bastalǵaly beri polıtsııa qyzmetkerleri 7 myńnan astam ákimshilik quqyq buzýshylyqty anyqtady. Onyń ishinde 6800-den astamy qalalar men eldi mekenderdi abattandyrý qaǵıdalaryn buzý derekteri bolsa, taǵy 650-den astamy — ortaq paıdalanylatyn oryndardy lastaý faktileri. Barlyq quqyq buzýshylar anyqtalyp, olar qoldanystaǵy zańnamaǵa sáıkes ákimshilik jaýapkershilikke tartyldy, — dep habarlady oblystyq polıtsııa departamentinen.
Vedomstvo málimetinshe, beınebaqylaý kameralaryn paıdalaný quqyq buzýshylardy jedel anyqtaýǵa múmkindik berip, tazalyq pen qoǵamdyq tártipti saqtaýǵa yqpal etedi.
Eske salsaq, osyǵan deıin Qostanaıda «Taza Qazaqstan» baǵdarlamasy aıasynda «Taza oıyndar» ótkeni habarlanǵan.
