Abaı oblysynda qalta urlyǵy 11,8%-ǵa tómendedi
ASTANA. KAZINFORM — Abaı oblysynda 2026 jyldyń alǵashqy tórt aıynyń qorytyndysy boıynsha tirkelgen qalta urlyqtarynyń sany 11,8%-ǵa tómendep, ótken jyldyń sáıkes kezeńimen salystyrǵanda eleýli nátıjeler kórsetip otyr, dep habarlaıdy oblystyq PD baspasóz qyzmeti.
— Qylmystardyń ashylý deńgeıi 41,2%-dy qurady, al atalǵan qylmysqa qatysy bar 7 adam ustaldy. Qalta urlyqtary kóbine halyq kóp jınalatyn jerlerde bolady: qoǵamdyq kólikterde, bazarlarda, vokzaldarda, saýda ortalyqtarynda jáne adamdar kóp jınalatyn kóshelerde qylmyskerler jıi áreket etedi, — delingen habarlamada.
Abaı oblysy Polıtsııa departamenti turǵyndardy saqtyqqa shaqyrady:
- Qoǵamdyq oryndarda óz zattaryńyzǵa muqııat bolyńyz; ámııan men telefonyńyzdy syrtqa shyǵaryp kórsetpeńiz.
- Qoǵamdyq kólikte, bazarlarda jáne vokzaldarda kúmándi áreketterge nazar aýdaryńyz.
- Qol sómke nemese rıýkzakty árdaıym aldyńyzǵa nemese keýdeńizge baılap ustańyz; artqa artyq salmaǵy bar sómke qoımańyz.
- Aqsha men qundy zattardy bir jerge jınap qoımaı, birneshe jerde bólip saqtańyz.
- Belgisiz adamdardyń jaqyndap sóıleskende abaı bolyńyz jáne qajetsiz nazar aýdarmańyz.
- Qalta urlyqtarynyń jıi bolatyn jerlerinde mobıldi qosymshalar arqyly jaqyn týystarǵa nemese polıtsııaǵa habarlasý múmkindigin qarastyryńyz.
Tártip saqshylary saqtyq sharalaryn ustaný — jeke múlikti qorǵaýdyń eń senimdi joly ekenin eskertti.
Osyǵan deıin Abaı oblysynda jyl basynan beri qarsy baǵytqa shyǵýdyń 55 dereginiń joly kesilgenin jazdyq.
