Abaı oblysynda qaldyqtardy shyǵarý tarıfterin zańsyz kóterý toqtatyldy
ASTANA. KAZINFORM – Abaı oblysy Borodýlıha aýdanynda básekelestikti qorǵaý salasynda prokýratýra anyqtaǵan naryqtaǵy ústem jaǵdaıyn teris paıdalaný deregi boıynsha eki kásipkerlik sýbektisine qatysty tergep-tekserý aıaqtaldy.
— 2023–2024 jyldar aralyǵynda kásipkerler bir jyldan astam ýaqyt boıy abonentterden qatty turmystyq qaldyqtardy suryptaý jáne kómý qyzmetteri faktili túrde kórsetilmese de, negizsiz tólem alyp kelgen. Aı saıynǵy tarıf qaldyqtardy jınaý men tasymaldaýǵa ǵana belgilengen 216 teńgeniń ornyna 403 teńge bolǵan, — delingen habarlamada.
Saldarynan 62 kásipkerdi qosa alǵanda 6 myńnan astam abonent 12,8 mln teńge artyq tólegen.
Aýdandyq sottyń qaýlylarymen eki zańbuzýshy da ÁQBtK-niń 159-baby 3-1 bóligi boıynsha (naryq sýbektileriniń óz ústem nemese monopolııalyq jaǵdaıyn teris paıdalanýy) ákimshilik jaýapkershilikke tartyldy.
Ýákiletti organnyń nusqamasyna sáıkes zańsyz áreketter toqtatylyp, jańa tarıfter bekitilgenge deıin qyzmet quny 216 teńgege deıin tómendetildi.
Aıta ketelik «Semeı ormany» rezervatynda 200 mln teńgeden astam salyq tólenbeı qalǵany týraly jazǵan edik.