Abaı oblysynda «gastroldik kvartet» atanǵan páter urylary ustaldy

ASTANA. KAZINFORM — Abaı oblysynda polıtseıler iri urlyqqa qatysy bar páter tonaýshylar tobyn qylmys ústinde ustady.

QR ІІM arnaıy bólimshesiniń qatysýymen jedel ustaý operatsııasy júrgizilip, kúdiktilerdiń áreketteri qylmys jasaý kezinde toqtatyldy.

Operatıvti qyzmetkerlerdiń anyqtaýy boıynsha, «gastroldik kvartet» atanǵan top ShQO-dan Semeı qalasyna 19 jeltoqsanda kelgen. Kelesi kúni kúdiktiler páterden 15 mıllıon teńgeden astam qarjynyń múlkin urlap ketken. Urlanǵan zattardyń ishinde altyn buıymdar men seıften alynǵan qomaqty aqsha bar.

Qylmystyq shema ádettegideı josparlanǵan: eki qatysýshy páterdiń qulpyn kilt tańdaý arqyly ashqan, al qalǵan ekeýi syrtta qaýipsizdikti baqylap turǵan. Barlyq kúdiktiler ustalyp, ýaqytsha ustaý ızolıatoryna qamaldy.

Olarǵa qatysty ǵımaratqa zańsyz kirý arqyly urlyq jasaý baby boıynsha sotqa deıingi tergeý bastaldy. Olarǵa múlikti tárkileýmen birge jeti jylǵa deıin bas bostandyǵynan aıyrý jazasy qarastyrylýda.

Aıta keteıik, ustalǵandar buryn da osyndaı qylmystar úshin sottalǵan.