Abaı oblysynda demalys kúnderi 30-ǵa jýyq jol apaty boldy
SEMEI. KAZINFORM — Abaı oblysynda demalys kúnderi polıtsııa kúsheıtilgen rejımde jumys istedi.
Abaı oblysy Polıtsııa departamenti baspasóz qyzmetiniń málim etkenindeı, qoǵamdyq qaýipsizdik kúntizbedegi demalysqa qaramaıdy. Tártiptiń saqtalýy, quqyq buzýshylyqtardyń aldyn alý jáne turǵyndardyń tynyshtyǵyn qorǵaý — polıtsııa qyzmetkerleriniń kúndelikti jumysy.
Osy mindetterdi oryndaý maqsatynda Abaı oblysynda demalys kúnderi profılaktıkalyq is-sharalar uıymdastyrylyp, polıtsııa qyzmetkerleri qoǵamdyq oryndar men turǵyn sektorlarda baqylaý jumystaryn júrgizdi.
Іs-sharalar aıasynda qala aýmaǵyndaǵy kóńil kóterý oryndary tekserilip, kelýshiler men mekeme ákimshilikterine qoǵamdyq tártipti saqtaý talaptary túsindirildi. Ásirese, quqyq buzýshylyqtar oryn alýy múmkin aýmaqtarǵa basymdyq berildi.
Profılaktıkalyq esepte turǵan azamattar da polıtsııa nazarynan tys qalǵan joq. Olardyń turǵylyqty mekenjaılary tekserilip, belgilengen mindetter men shekteýlerdi saqtaýyna baqylaý jasaldy. Mundaı jumystar quqyq buzýshylyqtardyń qaıtalanýyna jol bermeýge baǵyttalǵan.
— Nátıjesinde 96 azamattyq qarý ıesi tekserilip, 69 problemalyq mekenjaı anyqtaldy. 99 mekenjaıdyń pasporty jasaqtaldy. 281 turǵyn úı nysany, 69 saıajaı úıi, 18 sharýa jáne fermerlik qojalyq pen qystaý, sondaı-aq 15 qaraýsyz qalǵan jáne shalǵaı nysan tekserildi. Budan bólek, polıtsııa esebinde turǵan 296 azamat turǵylyqty mekenjaıy boıynsha baqylaýdan ótti. Jol qozǵalysy qaýipsizdigi de jiti nazarda. Sondaı-aq, oblys aýmaǵynda demalys kúnderi 27 jol-kólik oqıǵasy tirkeldi. JKO nátıjesinde zardap shekkender joq, — delingen vedomstvo taratqan aqparatta.
Buǵan deıin Aqmola oblysynda tas jolda bolǵan jol apatynan úsh adam qaza tapqanyn jazǵanbyz.