Abaı oblysynda da shegirtke 60 myń gektar alqapqa jaıylyp barady
SEMEI. KAZINFORM — Aýyl sharýashylyǵy mınıstrligi Abaı oblysynyń aýmaǵynda 59,26 myń ga alqapta úıirli shegirtke taralýy múmkin ekenin habarlady.
Búgingi tańda monıtorıng barysynda 336 myń gektardan astam aýmaq zerttelgen, onyń 36 myń gektary óńdelýge jatady.
Aımaqta hımııalyq óńdeý 5 maýsymda bastaldy.
Arnaıy búrikkish tehnıkadan 12, onyń ishinde 9 jerústi jeldetkish búrikkish, 3 asa jeńil avıatsııa kóligi paıdalanylyp jatyr.
Barlyq qajetti preparat bar.
«Qazirgi ýaqytta Abaı, Aıagóz, Aqsýat, Besqaraǵaı, Borodýlıha, Jarma, Kókpekti, Úrjar, Jańasemeı aýdandarynda 34 myń ga alqapta hımııalyq óńdeý aıaqtaldy. Aýyl sharýashylyǵy egistikteri zaqymdanǵan joq. Óńirdegi jaǵdaı baqylaýda» deıdi vedomstvodan.
Osyǵan oraı AShM tek resmı aqparat kózderine senýge shaqyrady.
