Abaı oblysynda bıýdjet qarajatyn jymqyrǵan aýyldyq okrýgtiń burynǵy ákimi sottaldy
SEMEI. KAZINFORM – Úrjar aýdany prokýratýrasy aýyldyq okrýgtiń burynǵy ákimi qoǵamdyq jumystarǵa bólingen 500 myń teńgeden astam qarajatty jymqyrǵanyn anyqtady.
Prokýratýra sotqa deıingi tergep-tekserýdi tirkep, materıaldar protsestik sheshim qabyldaý úshin Sybaılas jemqorlyqqa qarsy is-qımyl agenttiginiń departamentine joldandy.
Sottyń úkimimen burynǵy ákim QK-niń 190-babymen (alaıaqtyq) memlekettik qyzmette laýazym atqarý quqyǵynan ómir boıyna aıyryla otyryp, 3 jyl 6 aı merzimge bas bostandyǵynan aıyrý jazasyna sottaldy.
Úkim zańdy kúshine endi. Memleketke keltirilgen zalal tolyq óteldi.
– Abaı oblysynyń prokýratýrasy sybaılas jemqorlyq quqyq buzýshylyqtary úshin jaýaptylyqtyń bultartpastyǵyn qamtamasyz etý jáne memleket pen qoǵam múddelerin qorǵaý jónindegi jumysty júıeli túrde jalǵastyrady, - delingen oblystyq prokýratýra habarlamasynda.
Aıta keteıik, Qyzylordada mekteptiń bas esepshisi men muǵalimder asa iri mólsherde memleket qarjysyn jymqyrǵan.