Qaraǵandy qalasy men Abaı oblystaryndaǵy mektepter de onlaın formatqa kóshti

QARAǴANDY. KAZINFORM – Qaraǵandy qalasynyń bilim bólimi 16 qańtar kúni aýa raıynyń qolaısyzdyǵyna baılanysty birinshi aýysymdaǵy 0-4 synyp oqýshylary sabaqty qashyqtan oqıtynyn habarlady.

Al Abaı oblysynda kúnniń sýyǵyna baılanysty keıbir mektep oqýshylary onlaın bilim alady.

Atap aıtqanda, I aýysymda: Kókpekti aýdanyndaǵy 3 mekteptiń 1-11 synyp oqýshylary, 2 mekteptiń 1-9 synyp oqýshylary, Aqsýat aýdanyndaǵy 16 mekteptiń 1-11 synyp oqýshylary, Jarma aýdanyndaǵy 8 mekteptiń 1-4 synyp, 3 mekteptiń 1-9 synyp, 3 mekteptiń 1-11 synyp oqýshylary, Borodýlıha aýdanyndaǵy 26 mekteptiń 1-11 synyp oqýshylary, Besqaraǵaı aýdanyndaǵy 8 mekteptiń 1-11 synyp, 2 mekteptiń 1-4 synyp oqýshylary úshin sabaq qashyqtan oqytý formatyna aýystyryldy.

«Qalǵan aýdan men qala mektepteri shtattyq rejımde oqıdy»,-delingen habarlamada.

Osyǵan deıin Astanada birinshi aýysymdaǵy mektep oqýshylary men kolledj stýdentteri qashyqtan oqıtynyn jazdyq.

Sondaı-aq Pavlodarda 1 aýysymdaǵy mektep oqýshylary qashyqtan oqıdy.