Abaı oblysynda bıyl 5500-ge jýyq oqýshy mektep bitiredi

SEMEI. KAZINFORM — Abaı oblysynda oqý jylyn 101 363 oqýshy aıaqtaıdy. Onyń ishindegi 5500-ge jýyǵy — mektep túlegi. 

Óńirdiń barlyq qala, aýdanynda 11-synyp oqýshylary úshin qorytyndy is-sharalar 23 mamyrda, al Semeı qalasyndaǵy mektepterde 24 mamyrda ótkiziledi.

— Bıyl Abaı oblysynda 5478 oqýshy 11-synypty aıaqtaıdy. «Altyn belgi» tósbelgisine úmitkerler sany — 363, bul ótken jylmen salystyrǵanda 139 oqýshyǵa artyq. Attestat tapsyrý rásimi 18-20 maýsym aralyǵynda ótse, memlekettik emtıhandar 30 mamyr men 16 maýsym aralyǵynda júrgiziledi, — deıdi oblystyq Bilim basqarmasy basshysynyń mindetin atqarýshy Baýyrjan Túlenov.

Ulttyq biryńǵaı testileýdiń negizgi kezeńi 16 mamyrdan bastalyp, 5 shildege deıin jalǵasady. Bıyl 4981 túlek testileýge qatysýǵa nıet bildirgen. Bul — jalpy bitirýshiler sanynyń 86,6 paıyzyn quraıdy.

Eske salsaq, osyǵan deıin Jambyl oblysynda 12 myńnan astam oqýshy mektep bitirý emtıhanyn tapsyratyndyǵy habarlanǵan.