Abaı oblysynda bazar ıelerine qoıylǵan zańsyz talaptardyń kúshi joıyldy
ASTANA. KAZINFORM — Abaı oblysynyń Maqanshy aýdanynda bazar ıelerine negizsiz mindet júktegen ákimdik qaýlysynyń kúshi joıylyp, ony ázirlegen bólim basshysy ákimshilik jaýapqa tartyldy. Bul týraly óńirdegi prokýratýra málim etti.
Anyqtalǵandaı, aýdan ákimdiginiń «Maqanshy aýdanynyń aýmaǵynda statsıonarlyq emes saýda obektilerin ornalastyrý oryndaryn aıqyndaý jáne bekitý týraly» qaýlysymen bazar ıelerine saýda obektilerin ornalastyrý úshin jer ýchaskelerin óteýsiz negizde berý mindeti negizsiz júktelgen.
Atalǵan talaptar kásipkerlerdiń quqyqtary men zańdy múddelerin buzyp, kásipkerlik qyzmetti júzege asyrý barysynda qosymsha negizsiz mindettemeler týyndatqan.
Prokýrorlyq qadaǵalaý aktisi negizinde ákimdiktiń zańsyz qaýlysynyń kúshi joıylyp, kásipkerlerdiń quqyqtary qorǵaldy.
Sonymen qatar, kásipkerlik sýbektileriniń qyzmetine zańsyz aralasqany úshin normatıvtik quqyqtyq aktini ázirlegen kásipkerlik bóliminiń basshysy Qazaqstan Respýblıkasy Ákimshilik quqyq buzýshylyq týraly kodeksiniń 173-babynyń 1-bóligi boıynsha ákimshilik jaýaptylyqqa tartyldy.
Abaı oblysynyń prokýratýrasy kásipkerlerdiń quqyqtaryn qorǵaý, ákimshilik kedergilerdi joıý jáne memlekettik organdardyń kásipkerlik qyzmetke zańsyz aralasýyna jol bermeý baǵytyndaǵy jumysty jalǵastyrmaq.
