Abaı oblysynda baspana kezeginde turǵandardyń máselesi qalaı sheshiledi

ASTANA. KAZINFORM – Abaı oblysynyń ákimi Nurlan Uranhaev óńirde baspan kezeginde turǵan otbasylardyń máselesi qalaı sheshiletinin aıtty.

«Oblysta turǵyn úı kezeginde 20 myńǵa jýyq adam tur (Semeıde – 14 myń). Onyń ishinde kópbalaly otbasylarda – 2 784 adam. Jalpy aýdany 246,9 myń sharshy metr bolatyn 39 kóppáterli jáne jeke turǵyn-úıler (370) qurylysy júrgizilip, 2 100 otbasyn úımen qamtý josparlanǵan», - dedi N. Uranhaev Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, aldaǵy úsh jylda taǵy 148 kópqabatty turǵyn úı (shamamen 694 myń sharshy metr) salý josparlanǵan. Bul, óz kezeginde 7 myńdaı otbasyn baspanamen qamtýǵa múmkindik beredi.

Budan buryn habarlanǵandaı, Abaı oblysynyń ákimi Nurlan Uranhaev Semeıdegi avtokólik keptelesi máselesin sheshý úshin qandaı is-shalar júzege asyrylatynyn aıtty.