Abaı oblysynda basqarma basshysy prokýratýra usynysyna qulaq aspaǵany úshin aıyppul tóledi
SEMEI. KAZINFORM — Mamandandyrylǵan tabıǵatty qorǵaý prokýratýrasy 2022-2023 jyldar aralyǵynda bıtým satý kezinde monopolııaǵa qarsy, salyqtyq jáne salalyq zańnamanyń saqtalýyna tekserý júrgizdi. Shara Abaı oblysy jolaýshylar kóligi jáne avtomobıl joldary basqarmasynyń jumysyn qamtydy.
Kásipkerlerdiń jeńildikpen bıtým alýǵa ótinishin qabyldaý, tirkeý, esepke alý jáne qaraý, sondaı-aq bıtýmdy birkelki bólýdi qamtamasyz etý boıynsha sheshim qabyldaý kezinde buzýshylyqtar anyqtaldy.
Osy fakti boıynsha prokýratýra oblys ákimdigine usynys engizdi.
Alaıda, basqarma basshysynyń m. a. zańdylyqtyń buzylýyn joıýǵa sharalardy qoldanbaǵan, sonymen qatar qadaǵalaý aktisin qaraý merzimin buzǵan.
Osyǵan baılanysty oǵan prokýrordyń usynysy boıynsha shara qoldanbaǵany úshin QR ÁQBtK 664-baby boıynsha aıyppul salyndy.
