Abaı oblysynda áıel 30 jastaǵy qyzyn óltirdi degen kúdikpen ustaldy

SEMEI. KAZINFORM – Abaı oblysy Borodýlıha aýdanynda áıel adam qyzyn óltirdi degen kúdikpen ustaldy. 

26 mamyr saǵat 10:00 shamasynda Borodýlıha aýdanyndaǵy Aýyl stansasynan kólik toqtatyp, Semeı qalasyna qaraı jolǵa shyqqan 30 jastaǵy Dınara Dosymbekova joǵalyp ketken. Bul týraly polıtsııaǵa onyń anasy habarlasqan edi.

Qyzdyń denesi 2 maýsym kúni tabylǵan. Tergeý amaldaryn júrgizgen tártip saqshylary onyń anasyn kúdikti retinde ustady.

«Kisi óltirý faktisi boıynsha sotqa deıingi tergeý bastaldy. Kúdikti qamaýǵa alyndy. Tergeý áreketteri júrgizilip, tıisti saraptamalar taǵaıyndaldy», - deıdi Abaı oblysy PD bastyǵynyń orynbasary Eldos Zakımov.

Buǵan deıin Abaı oblysynda joldan kólik toqtatyp minip ketken áıeldiń denesi tabylǵany habarlanǵan.