Abaı oblysynda avtobýs jolda qalyp, 35 adam evakýatsııalandy

ASTANA. KAZINFORM — TJM qutqarýshylary 35 adamdy jylytý pýnktine jetkizdi, dep habarlaıdy TJM baspasóz qyzmeti.

Abaı oblysynyń Jarma aýdanynda respýblıkalyq mańyzy bar avtojolda qozǵalys shektelýine baılanysty Kalbataý aýylynyń blok-beketinde «Zaısan — Óskemen» baǵytyndaǵy 35 jolaýshysy bar avtobýs qalyp qoıdy.

— TJM qutqarýshylary polıtsııa jáne jergilikti atqarýshy organdarmen birge 35 adamdy, onyń ishinde 5 bala, jaqyn mańdaǵy jylytý pýnktterine jetkizip ornalastyrdy. Medıtsınalyq kómek eshkimge qajet bolmady, — delingen vedomstvo habarlamasynda.

TJM daýyldy eskertýlerdi eskerýdi jáne aýa raıy nasharlaǵan jaǵdaıda eldi mekennen tys jerlerge shyqpaýdy usynady.

Budan buryn  Pavlodar oblysynda qolaısyz aýa raıynda jolda qalǵan 43 adam qutqarylǵanyn jazǵanbyz.