Abaı oblysynda aýyl sharýashylyǵy tehnıkasy 25%-ǵa jańartyldy
Abaı oblysynda aýyl sharýashylyǵy salasyna kóp kóńil bólinýde. Bıyl óńir boıynsha bul saladaǵy tehnıka 25%-ǵa jańartylǵan, dep habarlaıdy Kazinform.
Oblys ákimdiginiń málimetine súıensek, 2023 jyly agroónerkásiptik keshen sýbektilerine nesıe berý, aýyl sharýashylyǵy janýarlaryn, tehnıka men tehnologııalyq jabdyqtardy satyp alýǵa lızıng kezinde syıaqy mólsherlemelerin sýbsıdııalaýǵa 2,7 mlrd teńge bólingen. Qazirgi tańda 2,6 mlrd teńge ıgerildi.
«2700 sýbsıdııalaý shartyna sáıkes 1400-den astam aýyl sharýashylyǵy taýar óndirýshileri sýbsıdııalandy. Negizgi baǵyttar – lızıngke satyp alynǵan aýyl sharýashylyǵy tehnıkasy men jabdyǵynyń syıaqy mólsherlemelerin sýbsıdııalaý jáne nesıege mal satyp alý. Sondaı-aq bıyl jalpy somasy 11 mlrd teńgeden astam somaǵa 550-den astam jańa aýyl sharýashylyǵy tehnıkasy satyp alynǵan. Bul aýyl sharýashylyǵyndaǵy mashına-traktor parki men qural-jabdyqtardy 25%-ǵa jańartýǵa yqpal etti», - delingen aqparatta.
«Agrarlyq nesıe korporatsııasy» AQ Abaı oblysynyń fılıaly jyl basynan beri mal sharýashylyǵyn damytý maqsatynda aýyl sharýashylyǵy taýar óndirýshilerin jalpy somasy 4,1 mlrd teńgege qarjylandyrdy. Onyń ishinde 1,7 mlrd teńge tikeleı qarjylandyrý jáne 2,4 mlrd teńge nesıe seriktestikteri arqyly júzege asyryldy.
Bıyl qosymsha bıýdjet qarajaty túskennen keıin qazirgi tańda rezervte turǵan 470 usynys boıynsha sýbsıdııalaý týraly kelisimge qol qoıylady.
