Abaı oblysynda aýyl sharýashylyǵy salasy turaqty damyp jatyr
Óńirlik kommýnıkatsııalar qyzmetinde ótken brıfıngte oblystyq aýyl sharýashylyǵy jáne jer qatynastary basqarmasy basshysynyń orynbasary Ertaı Qýanbaev osy baǵytta atqarylǵan jumystarǵa toqtaldy, dep habarlaıdy Kazinform.
Osy jyldyń 9 aıynda aýyl sharýashylyǵynyń jalpy ónim kólemi — 347,5 mlrd teńge. Ósimdik sharýashylyǵy óniminiń jalpy kólemi — 104,2 mlrd teńge, mal sharýashylyǵy — 243,2 mlrd teńge boldy. Josparǵa sáıkes bıyl aýyl sharýashylyǵynyń jalpy ónimin 517,5 mlrd teńgege jetkizý josparlanyp otyr.
— Aýyl sharýashylyǵynyń negizgi kapıtalyna salynǵan ınvestıtsııa 1 qazanda 57,7 mlrd teńge boldy. Ótken jyldyń sáıkes kezeńimen salystyrǵanda 239% ósim bar. Óńirde 39 bordaqylaý alańy jumys isteıdi, onyń ishinde qýaty 1000 orynnan bastalatyn 11 bordaqylaý alańy jumys istep tur. Bıyl taǵy bir alańdy paıdalanýǵa berý josparlanyp otyr, - dedi oblystyq aýyl sharýashylyǵy jáne jer qatynastary basqarmasy basshysynyń orynbasary.
Qaıta óńdeý ónerkásipteriniń tapshylyǵyn sheshý maqsatynda 2023-2024 jyldary et kombınattaryn salý josparlanyp otyr. Semeı qalasynyń aýmaǵynda jyldyq qýaty 12 600 tonna «Eýrazııa Agro Semeı» JShS et kombınatynyń qurylysyn bastaý, jyl sońynda qýaty jylyna 600 tonna daıyn ónim shyǵaratyn «Ykylas Invest» JShS et konservi zaýytyn ashý kózdelgen. Bıyl egis alqaby 745,4 myń ga boldy. Onyń ishinde dándi jáne dándi-burshaqty daqyldar — 314,9 myń ga, maıly daqyl — 290,4 myń ga, kartop — 7,9 myń ga; kókónis pen baqsha daqyldary — 6,1 myń ga, jemshóp — 126 myń ga.
— 2023 jyly kúzgi egis jáne jem-shóp daıyndaý jumystaryn júrgizý úshin oblystyń aýyl sharýashylyǵy qurylymdary shilde aıyna 3,1 myń tonna, tamyz aıyna 3,1 myń tonna, qyrkúıekke 5,4 myń tonna, qazan aıyna 2,6 myń tonna dızel otyny bólindi. Dızel otynyn satyp alý, jetkizý, saqtaý jáne jetkizý qyzmetteri úshin ústemeaqynyń jalpy somasy kórsetilgen baǵa usynysy 242-250 teńge/lıtr, - dedi Ertaı Qýanbaev.
Abaı oblysynyń áleýmettik-ekonomıkalyq damytýdyń 2023-2027 jyldarǵa arnalǵan keshendi josparyna sáıkes osy jyly 4 baǵyt boıynsha 7 mlrd teńge somasyna 8 ınvestıtsııalyq joba kózdelgen.
Sýarmaly jer kólemin ulǵaıtý boıynsha — úsh joba, aýyl sharýashylyǵy ónimderin qaıta óńdeýge ınvestıtsııa boıynsha — eki joba, aýyl sharýashylyǵy janýarlarynyń genofondyn jaqsartýǵa — bir joba, et óndirisin ulǵaıtýǵa — eki joba qarastyrylǵan.
Sonymen qatar, bıyl oblystyń agroónerkásip keshenin sýbsıdııalaýǵa barlyǵy 16,2 mlrd teńge bólindi.
