Abaı oblysynda «Aýyl – el besigi» jobasy aıasynda 210 jumys orny ashyldy

 Abaı oblysynda «Aýyl – el besigi» jobasy aıasynda 45 joba iske asyrylyp, 210 jańa jumys orny ashyldy, dep habarlaıdy Kazinform. 

Oblys ákimi Nurlan Uranhaevtyń tóraǵalyǵymen «Aýyl – el besigi» jobasyn júzege asyrý barysy týraly jıyn ótti. Joba aıasynda óńir boıynsha 77 joba iske asyrylyp jatsa, sonyń 45-i máresine jetti.

Jıynda qurylys jumystarynyń barysy talqylandy.

«Jobalardy júzege asyrýǵa barlyǵy 9,5 mlrd teńge, onyń ishinde Ulttyq qordan - 4,2 mlrd teńge, oblystyq bıýdjetten 5,3 mlrd teńge bólindi. Jyl basynan beri júzege asyp jatqan jobalardyń aıasynda 210 jumys orny quryldy», - dep habarlady Abaı oblysy ákimdiginen.

Joba nátıjesinde 24 áleýmettik nysan, onyń ishinde 7 bilim berý, 6 densaýlyq saqtaý, 10 sport jáne mádenıet nysany, 1 áleýmettik qorǵaý mekemesi paıdalanýǵa berildi. Kólik ınfraqurylymy salasynda 33 joba júzege asyrylady.