Abaı oblysynda aýa raıynyń nasharlaýyna baılanysty eskertý jarııalandy
SEMEI. KAZINFORM — Boran, kóktaıǵaq jáne qatty jel úsh respýblıkalyq jáne eki oblystyq jol ýchaskesiniń ýaqytsha jabylýyna sebep boldy, dep habarlaıdy Tótenshe jaǵdaılar mınıstrliginiń baspasóz qyzmeti.
Halyqtyń qaýipsizdigin qamtamasyz etý maqsatynda Abaı oblysynyń tótenshe jaǵdaılar departamenti, polıtsııa departamenti jáne jergilikti atqarýshy organdardyń qyzmetkerleri beketter uıymdastyryp, jol jaǵdaıyn baqylaýdy jalǵastyryp, júrgizýshilermen túsindirý jumystaryn júrgizip jatyr.
Sońǵy aqparatqa sáıkes, jylý pýnkterine 52-den astam adam, onyń ishinde 4 bala jetkizilip, ornalastyryldy.
Aıta keteıik, ShQO-da boran men kóktaıǵaqqa baılanysty 3 jolda kólik qozǵalysy shekteldi.
Buǵan deıin Qazaqstanda 24 qarasha kúni birqatar óńirde joldarda qozǵalys shekteýi saqtalyp otyrǵandyǵy habarlanǵan.