Abaı oblysynda aýa raıy qolaısyzdyǵyna baılanysty jol jabyldy
CEMEI. KAZINFORM – Abaı oblysynda aýa raıy qolaısyzdyǵyna baılanysty joldardyń biri jabyldy.
Oblystyq tótenshe jaǵdaılar departamenti baspasóz qyzmetiniń málimetine súıensek, qalyń qar jaýyp, joldyń durys kórinbeýine baılanysty respýblıkalyq mańyzy bar avtokólik jolynda barlyq kólik túrleriniń qozǵalysyna tyıym salyndy.
- 30 jeltoqsan saǵat 22.30-dan bastap «Almaty-Taldyqorǵan-Óskemen-Shemonaıha-Reseı Federatsııasynyń shekarasy» tasjolynyń 1013-1062 shaqyrymy (Abaı oblysynyń shekarasy men Almasaı aýylyna burylys arasyndaǵy jol) jabyldy. Sondyqtan júrgizýshilerdi óz baǵyttaryn aldyn ala josparlap alýdy suraımyz, - delingen aqparatta.
Osy rette, qutqarýshylar óńir jurtshylyǵyna joldardyń jaı-kúıin "Dármen" mobıldi qosymshasy arqyly bilip otyrýǵa keńes berdi.
Eske salsaq, osyǵan deıin jańa jyl keshinde jol jaǵdaıy qandaı bolatyndyǵy habarlanǵan.