Abaı oblysynda áskerı qyzmetshi ata-anasymen birge jol apatynan kóz jumdy
SEMEI. KAZINFORM – Abaı oblysy Aıagóz aýdanynda jol apatynan 4 adam qaza boldy.
Qurlyq áskerleri qolbasshylyǵynyń málimetine súıensek, jol-kólik oqıǵasy 28 maýsym kúni bolǵan.
- Aıagóz garnızony áskerı bólimderiniń birindegi merzimdi áskerı qyzmetshi men ata-anasy jol apatynan qaza boldy. Marqumdardyń týǵan-týystary men jaqyndaryna qaıǵylaryna ortaqtasyp kóńil aıtamyz, - delingen aqparatta.
Atalǵan fakti boıynsha quzyrly organdar tergeý amaldaryn júrgizip jatyr.
- Qurlyq áskerleriniń qolbasshylyǵy marqumdardyń jaqyndaryna jan-jaqty kómek kórsetedi. Sonyń ishinde áskerı ushaqpen qaza bolǵandardyń máıitterin turǵylyqty jerine jetkizýdi uıymdastyrady, - delingen habarlamada.
Osy rette, Abaı oblystyq Polıtsııa departamenti jol apatyna qatysty qosymsha aqparat berdi.
- Toyota Lumiere kóliginiń 62 jastaǵy júrgizýshisi qarsy baǵyttaǵy jolaqqa shyǵyp ketip, Toyota Land Cruiser kóligimen soqtyǵysqan. Sonyń saldarynan Toyota Lumiere kóliginiń júrgizýshisi men úsh jolaýshysy oqıǵa ornynda mert boldy. Qazirgi ýaqytta sot-medıtsınalyq saraptamalar taǵaıyndaldy, - delingen málimette.
Eske salsaq, osyǵan deıin BQO-da júk kóligi poıyzben soqtyǵysyp, júrgizýshi mert bolǵany habarlanǵan.