Abaı oblysynda altyndy zańsyz óndirgen toǵyz adam anyqtaldy
ASTANA. KAZINFORM- Qarjylyq monıtorıng agenttiginiń Abaı oblysy boıynsha departamenti prokýratýranyń úılestirýimen Jarma aýdanynda altyndy zańsyz óndirýdi uıymdastyrǵan adamdar tobynyń áreketin toqtatty, dep habarlaıdy agenttiktiń baspasz qyzmeti.
Tergeý derekterine sáıkes, zańsyz qazyp alynǵan taý jynystarynyń kólemi 12 myń tekshe metrden asqan, al 4 myń sharshy metrden astam jerdiń qunarly topyraq qabaty búlingen.
Tergeý málimetinshe, top Jańǵyztóbe kentinen 10 shaqyrym jerde tıisti ruqsatsyz altyn óndirgen. Olar quramynda altyny bar kendi ashyq ádispen qazyp alyp, arnaıy jabdyqtardyń kómegimen shaıǵan.
Aýmaqty tekserý kezinde tereńdigi 15 metrlik karer anyqtaldy.
Jedel izdestirý sharalary barysynda bul iske qatysy bar toǵyz adam anyqtaldy.
Zańsyz ken óndirilgen jerden kendi shaıýǵa jáne usaqtaýǵa arnalǵan jabdyqtar, quramynda altyny bar jeti qap materıal, eki metall izdegish qural, eki tıegish jáne bir ekskavator tárkilendi.
-Qazirgi ýaqytta tergeý jalǵasyp jatyr. Ózge málimetter Qazaqstan Respýblıkasy Qylmystyq-protsestik kodeksiniń 201-babyna sáıkes jarııa etilmeıdi,-delingen habarlamada.
Osyǵan deıin Jetisýda jol jóndeý kezinde 115 mln teńgeniń jer qoınaýy zańsyz óndirilgeni týraly jazdyq.