Abaı oblysynda alıment tóleýden jaltarǵan eki turǵyn sottaldy
ASTANA. KAZINFORM – Abaı oblysy Borodýlıha aýdany prokýratýrasynyń tekserý nátıjeleri boıynsha balalardy asyraýǵa arnalǵan alıment tóleýden qasaqana jaltarǵan tulǵalarǵa qatysty 2 sotqa deıingi tergep-tekserý bastaldy.
Bir jaǵdaıda boryshker eki balasyn asyraýǵa arnalǵan qarajatty tólemeı, ádeıi jumysqa ornalasýdan bas tartqan. Onyń bereshegi 1,7 mln teńgeden asqan.
Ekinshi jaǵdaıda boryshker eki balasyna 700 myń teńgeden astam qaryzy bola tura, óziniń jumysqa ornalasqany týraly jeke sot oryndaýshysyna habarlamaǵan.
Abaı oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń úkimderimen aýdannyń eki turǵyny QR QK-niń 139-baby (balalaryn kútip-baǵýǵa arnalǵan qarajatty tóleý jónindegi mindetterdi oryndamaý) boıynsha 1 jyl merzimge bas bostandyǵyn shekteý jazasyna sottaldy.
Sonymen qatar, osyndaı quqyq buzýshylyqtardyń aldyn alý maqsatynda sot protsesteri 12 alıment boryshkeri men óndirip alýshylardyń qatysýymen kórsetilimdi túrde ótkizildi.
Aıta ketelik sheteldikter Qazaqstan azamattaryna alıment tóleıtini ne tólemeıtini týraly jazǵan edik.