Abaı oblysynda ákimdikke jumysqa tirkegen adamynyń jalaqysyn ózi alyp otyrǵan esepshi sottaldy

Abaı oblysy Besqaraǵaı aýdanynda adamdy ákimdikke júrgizýshi retinde jumysqa tirkep, 8 jyl boıy jalaqysyn alyp otyrǵan esepshi sottaldy, dep habarlaıdy Kazinform.

Besqaraǵaı aýdany prokýratýrasy júrgizgen taldaý barysynda 2015-2023 jyldar aralyǵynda adamdy aýdandyq jer qatynastary bóliminiń júrgizýshisi retinde jalǵan jumysqa ornalastyrý faktisi anyqtaldy.

«Atalǵan fakti tirkelgennen keıin qylmystyq isti tergeý jumystary Abaı oblysynyń ekonomıkalyq tergeý departamentine tapsyryldy. Tergeý aıaqtalǵannan keıin QR QK-niń 189-baby 3-bóligine (qyzmettik jaǵdaıyn paıdalana otyryp, iri mólsherde senip tapsyrylǵan bóten múlikti urlaý) sáıkes esepshige qatysty qylmystyq is sotqa jiberildi. Sot otyrysynda aıyptalýshy óz kinásin moıyndap, memleketke keltirilgen 5 mln teńge kólemindegi zalaldy ótedi», - dep habarlady Abaı oblysy prokýratýrasynan.

Sot úkimimen sottalýshy 2 jylǵa bas bostandyǵyn shekteldi. Úkim áli zańdy kúshine engen joq.