Abaı oblysynda ákim sapasyz salynǵan asfaltty qoparyp, jumysty toqtatyp tastady

SEMEI.KAZINFORM — Abaı oblysy Aqsýat aýdany Oıshilik aýylynyń kireberis jolyna jóndeý jumystary sapasyz júrgizilgen. 

Aýdan ákimi Ersin Eskendirov jaqynda atalǵan ýchaskege baryp, jóndeý jumystarynyń barysymen tanysty.

Nátıjesinde «PMK Qurylys» JShS merdiger uıymy júrgizip jatqan asfalt tóseý jumystarynyń sapasy syn kótermeıtini belgili boldy.

— Oıshilik aýylyna kireberistegi aýdandyq mańyzy bar joldyń shamamen 11 shaqyrymy asfalttalý kerek edi. Alaıda merdiger kompanııanyń salǵyrttyǵynan qazir jol jóndeý jumystary toqtap tur. Jumys sapasy talapqa saı bolmaıynsha eshqandaı qabyldaý bolmaıdy. Igerilmegen qarjy oblysqa qaıtarylady. Kelesi jyly jumys qaıta jandanyp, tolyqtaı qalpyna keltirilýi tıis, — dedi aýdan basshysy.

Tekserý kezinde joldyń astyna bıtým qabaty tóselmegeni anyqtaldy.

Posmotret etý pýblıkatsııý v Instagram

Pýblıkatsııa ot Aqsýat Aýdany Ákimdigi (@aqsuat_audany_akimdigi)

Jospar boıynsha bıyl bul jol ýchaskesinde tek joldyń negizin daıyndaý kózdelgen bolatyn. Alaıda merdiger kompanııa belgilengen talapty buzyp, shamamen 500 metr jerge asfalt tósep úlgergen. Bul jumys qazir toqtatyldy.

Eske salsaq, buǵan deıin ShQO-da jóndeýge baılanysty jabylǵan respýblıkalyq jol ýchaskesi qaıta ashylǵanyn habarlaǵan bolatynbyz.