Abaı oblysynda abattandyrý qaǵıdalaryn buzýdyń 6 myńnan astam deregi tirkeldi
SEMEI. KAZINFORM — Abaı oblysynda jyl basynan beri abattandyrý qaǵıdalaryn buzýdyń 6 myńnan astam deregi anyqtaldy.
Óńirde «Taza Qazaqstan» respýblıkalyq ekologııalyq aktsııasy aıasynda eldi mekenderdiń tazalyǵy men qoǵamdyq tártibin qamtamasyz etýge «Sergek» beınebaqylaý júıesiniń múmkindikteri keńinen qoldanylyp jatyr.
— Bıyl kameralardyń kómegimen ortaq paıdalanylatyn oryndardy lastaýdyń 600-den astam deregi anyqtaldy. Barlyq quqyq buzýshylar ákimshilik jaýapkershilikke tartyldy. Budan bólek, aýmaqtardy abattandyrý qaǵıdalaryn buzýdyń 6 myńnan astam deregi tirkeldi. Ár jaǵdaı boıynsha eskertý jasaý jáne aıyppul salý túrindegi ákimshilik sharalar qabyldandy, — dep habarlady Abaı oblystyq Polıtsııa departamentinen.
Eń jıi kezdesetin quqyq buzýshylyqtar qatarynda qoqysty belgilenbegen oryndarǵa tastaý, qoǵamdyq aýmaqtardy lastaý jáne abattandyrý qaǵıdalaryn saqtamaý bar.
Eske salsaq, osyǵan deıin ShQO-da bıyl abattandyrý qaǵıdalary 5 myńnan astam ret buzylǵany habarlanǵan.
