Abaı oblysynda 8 jasar qyzdy zorlaǵan er adam ómir boıyna túrmege qamaldy

SEMEI. KAZINFORM – Abaı oblysy Jarma aýdanynda 8 jasar qyzdy zorlaǵan er adamǵa qatysty sot úkimi shyqty.

Bul týraly sot isi oblystyq Qylmystyq ister jónindegi mamandandyrylǵan aýdanaralyq sotynda qaraldy.

- M. esimdi azamatqa kámelettik jasqa tolmaǵan balaǵa seksýaldyq sıpattaǵy zorlyq-zombylyq jasaý faktisi boıynsha aıyp taǵylǵan. 2024 jyldyń tamyz aıynda Shar qalasynda boldy. Sol kezde qyz 8 jasta edi, - dep habarlady sottyń baspasóz qyzmetinen.

Sot sheshimimen sottalýshy ómir boıyna bas bostandyǵynan aıyryldy. Úkim áli zańdy kúshine engen joq.

Eske salsaq, osyǵan deıin Atyraýda ústine eskertkish qulaǵan búldirshinniń ólimine kináli adam sottalǵany habarlanǵan.