Abaı oblysynda 753,1 myń gektarǵa aýyl sharýashylyǵy daqyldary egiledi

SEMEI. KAZINFORM – Abaı oblysynda kóktemgi egis jumystary júrgizilip jatyr.

Oblystyq Aýyl sharýashylyǵy basqarmasynyń málimetine súıensek, óńir boıynsha 302 myń gektar dándi jáne dándi-burshaq daqyldary, 308,5 myń gektar maıly daqyldar, 133 myń gektar jem-shóp, 5,8 myń gektar kartop, 3,8 myń gektar kókónis jáne baqsha daqyldary egiledi.

- Búgingi kúni aýyl sharýashylyǵy taýaryn óndirýshiler 39,6 myń tonna materıal ekti. Onyń ishinde elıtalyq tuqym 2,1 myń tonna, birinshi reprodýktsııa boıynsha 19,3 myń tonna, ekinshi reprodýktsııa 11,7 myń tonna, úshinshi reprodýktsııa 6,5 myń tonna. Sondaı-aq 6,6 myń tonna elıta tuqymy jáne býdandar (kúnbaǵys, júgeri jáne t.b.) satyp alyndy. Qazirgi ýaqytta tuqym materıalyn tekserý jumystary 58%-ǵa aıaqtaldy, - delingen aqparatta.

Oblysta 3 tuqym sharýashylyǵy jáne 1 tuqym ótkizýshi sharýashylyǵy jumys isteıdi. Qazir barlyq tuqym sharýashylyqtary boıynsha 700 tonna qaldyq tuqym bar. 2025 jylǵa arnalǵan tyńaıtqyshtar jospary 63,6 myń tonnany quraıdy.

- Kóktemgi egis jumystaryn júrgizý úshin aımaqta 12 900 shynjyr tabandy jáne dońǵalaqty tehnıka jumyldyrylady. Onyń ishinde 7 833 traktor, 302 joǵary ónimdi egis kesheni, 1 971 sepkish, 2 794 topyraq óńdeý quraly bar. Tehnıkanyń daıyndyǵy 100% quraıdy. Jedel derekter boıynsha 75 myń gektar aýmaqta ylǵal jabý jumystary júrgizildi. Egis aldyndaǵy óńdeý – 15 myń gektarǵa nemese 2,9%-ǵa oryndaldy, - delingen habarlamada.

Egis jumystaryn oryndaý úshin oblystyń aýyl sharýashylyǵy taýaryn óndirýshilerine 27,520 myń tonna arzandatylǵan dızel otyny bólindi.

Naýryz aıyna bólingen 8 040 tonna dızel otynnyń, búginde 7965 tonna tólenip, 7352 tonna jóneltildi. Cáýir aıyna 8310 tonna dızel otyny bólindi. Oblys operatorlary sharttar jasasý jáne dızel otynyn jóneltý jumystaryn jalǵastyryp jatyr.

Eske salsaq, osyǵan deıin SQO alqaptarynda bıyl ylǵal qory jetkilikti ekendigi habarlanǵan.