Abaı oblysynda 74 jastaǵy qarııa iz-túzsiz joǵalyp ketti

SEMEI. KAZINFORM — Abaı oblysy Maqanshy aýylynda joǵalyp ketken qarııa 1 aptaǵa jýyq ýaqyt boıy tabylmaı jatyr.

Oblystyq Polıtsııa departamenti baspasóz qyzmetiniń málimetine súıensek, Maqanshy aýylynyń turǵyny Sembaı Turarov 21 mamyr kúni joǵalyp ketken. 

— Belgili bolǵandaı, 74 jastaǵy qarııa Jambyl kóshesi, № 23 mekenjaıyndaǵy úıinen belgisiz jaqqa shyǵyp ketip, sol kúıi qaıtyp oralmaǵan. Habar túse salysymen polıtsııa qyzmetkerleri izdestirý jumystaryna kiristi. Alaıda áli kúnge deıin ol tabylǵan joq, — delingen aqparatta.

Osy rette, tártip saqshylary Sembaı Turarovtyń qaıda ekendigi jaıly qandaı da bir aqparat bilgenderden Maqanshy aýdandyq polıtsııa bólimine, 102 jedel arnasyna nemese 8-722-394-12-78 telefon nómirine habarlasýlaryn suraıdy.

Eske salsaq, osyǵan deıin Ertis ózeninde sýǵa batyp ketken er adamnyń denesi bir aıdan soń tabylǵany habarlanǵan.