Abaı oblysynda 7 mlrd teńgege jýyq qarjy jymqyrǵan uıymnyń qyzmeti áshkere boldy

ASTANA. KAZINFORM – Qarjy monıtorıngi agenttiginiń Abaı oblysy boıynsha departamenti tutyný kooperatıvi túrinde jasyrylǵan «ELL QUATY» qarjy pıramıdasynyń qyzmetin toqtatty.

Uıymdastyrýshylar azamattardy «HALYK QUATY» kooperatıvine múshe bolýǵa shaqyryp, turǵyn úı men avtokólikti paıyzsyz bólip tóleý arqyly alýǵa bolady dep sendirgen. Osy maqsatta olardan paılyq jarnalar talap etilgen.

- halykquaty.kz saıty jáne áleýmettik jeliler arqyly óz qyzmetin jarnamalap, «Ár otbasyǵa baqyt!» degen urandy qoldaný arqyly «halyqtyq kooperatıv» degen jalǵan beıne qalyptastyrǵan. «HALYK» taýarlyq belgisin zańsyz paıdalanǵany úshin ákimshilik jaýapkershilikke tartylǵannan keıin kooperatıv ataýy «ELL QUATY» bolyp ózgertilgen, - dep jazdy vedomstvodan.

Jańa salymshylardy tartý úshin túrli marketıngtik aktsııalar uıymdastyrylǵan, onyń ishinde «Solnechnaıa Týrtsııa» týrıstik joldamalaryn utysqa qoıǵany anyqtaldy.

Tergeý barysynda uıymdastyrýshy qylmystyq jolmen túsken tabysty zańdastyrý maqsatynda óz atyna «QAZ INFO MARKET» JShS tirkep, salymshylar qarajatyn «kásibı, ǵylymı jáne tehnıkalyq qyzmetterge tólem» retinde shyǵaryp otyrǵany belgili boldy. Alaıda mundaı qyzmetter kórsetilmegen.

Pıramıdaǵa 1,5 myńnan asa salymshy tartylyp, olardyń jalpy shyǵyny 6,8 mlrd teńgege jetken.

Uıymdastyrýshy qamaýǵa alyndy. Tergeý jalǵasýda. QR QPK-niń 201-babyna sáıkes ózge málimetter jarııa etýge jatpaıdy.

Aıta keteıik, Qaraǵandyda «Úmit Samǵaý» qarjy pıramıdasyn uıymdastyrǵandar tergelip jatyr.