Abaı oblysynda 500 bala ashamaıǵa otyryp, rekordtar kitabyna endi

SEMEI. KAZINFORM – Abaı aýdanynda Qunanbaı Óskenbaıulynyń 220 jyldyq mereıtoıynda 500 bala bir mezette ashamaıǵa otyrdy. Búginde umytyla bastaǵan dástúrdiń maqsaty – balalardyń boıyna ulttyq qundylyqty darytý, myqty, tabandy bolyp ósýge baýlý. Bul týraly Abaı oblysynyń ákimdigi málimdedi. 

Sharaǵa Abaı aýdanyna qarasty 9 aýyldyq okrýgten 4 -15 jas aralyǵyndaǵy balalar qatysty.

Olar buǵan 2 aı boıy daıyndalǵan. Nátıjesinde túrkitildes memleketter arasynda jańa rekord ornap, Qazaqstannyń rekordtar kitabyna endi.

Qazaqstan rekordtar kitabynyń ókili Qýandyq Qudaıbergenov 500 balany ashamaıǵa otyrǵyzýdan rekord ornatqany úshin sertıfıkat tabystady.