Abaı oblysynda 50 jolaýshy mingen avtobýs aýdarylyp qaldy
SEMEI. KAZINFORM – Polıtsııa jolaýshylar avtobýsy qatysqan jol-kólik oqıǵasy boıynsha tekserý bastady. Bul týraly Abaı oblysynyń PD habarlady.
Oqıǵa 31 qańtarda saǵat 10:30–da Semeı–Qaınar avtojolynyń 62-shaqyrymynda, Znamenka aýyly mańynda bolǵan.
Aldyn ala málimetterge sáıkes, 52 jastaǵy júrgizýshi basqarǵan SETRA markaly jolaýshylar avtobýsy joldan shyǵyp ketip, aýdarylyp ketken. Avtobýs salonynda vahtalyq jumysqa bara jatqan 50 jolaýshy bolǵan.
Jol-kólik oqıǵasy saldarynan jolaýshylar ómirine qaýip tóndirmeıtin dene jaraqattaryn alǵan. Barlyq zardap shekkenderge ýaqtyly qajetti medıtsınalyq kómek kórsetildi.
Atalǵan fakt boıynsha polıtsııa tekserý jumystaryn bastady. Oqıǵanyń barlyq mán-jaıy men sebepteri anyqtalyp jatyr.
Aıta ketelik Aqmola oblysynda júkti áıel men kúıeýi jol apatynan kóz jumǵan edi.