Abaı oblysynda 50-den astam jylqy urlaǵan qylmystyq top ustaldy

SEMEI. KAZINFORM — Abaı oblysynda krımınaldyq polıtsııa qyzmetkerleri jylqy urlaýmen aınalysqan qylmystyq topty ustady. Top tórt adamnan turǵan, dep habarlaıdy Polisia.kz.

Kúdiktilerdiń 50-den astam jylqy urlaǵany anyqtaldy. Olardyń biri sharýa qojalyǵyn basqarǵan. Urlanǵan maldy dalaly jerge aparyp, etin satý úshin soıyp otyrǵan.

Tiri jylqylardy KamAZ-ben ońtústik aımaqqa, al etti oblys bazarlaryna aparǵan.

Qaskóıler qamaýǵa alyndy.

– Jalpy sońǵy bes jylda mal urlyǵy 64%-ǵa azaıdy. Jyl basynan beri 419 mal urysy ustaldy. 65 qylmystyq top joıyldy. 3,5 myńǵa jýyq mal ıelerine qaıtaryldy. Aıta ketý kerek, mal urlyǵy úshin múlki tárkilenip, 12 jylǵa deıin bas bostandyǵynan aıyrý jazasy qarastyrylǵan, – dedi ІІM krımınaldyq polıtsııa departamentiniń bastyǵy Qanat Nurmaǵambetov.