Abaı oblysynda 5 jyl boıy izdeýde júrgen qylmystyq toptyń múshesi ustaldy
SEMEI. KAZINFORM – Abaı oblysynda polıtsııa qyzmetkerleri qylmystyq toptyń 5 jyl boıy izdeýde júrgen múshesin ustady.
Oblystyq polıtsııa departamenti baspasóz qyzmetiniń málimetine súıensek, asa aýyr qylmys jasady dep kúdiktelgen er adam quryqtaldy.
Ol buryn uıymdasqan qylmystyq toptyń múshesi bolǵan.
2019 jyly Almaty qalasynyń 40 jastaǵy turǵyny atys qarýynan atyp óltirildi.
Sol kezde qylmystyq toptyń tek bir múshesi sot tóreliginen qashyp ketken.
Er adam 5 jyl boıy quqyq qorǵaý organdarynan jasyrynyp júrdi.
«Uıymdasqan qylmysqa qarsy kúres basqarmasynyń qyzmetkerleri jedel-izdestirý sharalarynyń nátıjesinde ony Úrjar aýdanynda ustady. Sonymen qatar er adamnan patrondary bar TT tapanshasy tárkilendi. Tıisti saraptamalar taǵaıyndalǵan. Tergeý amaldary júrgizilip jatyr», — delingen aqparatta.
