Abaı oblysynda 370 mln teńgeniń ferroqorytpasyn urlaǵan qylmystyq top ustaldy
SEMEI. KAZINFORM – Abaı oblysynda poıyz arqyly Japonııa men Úndistanǵa bara jatqan 370 mln teńgeniń múlki qoldy boldy.
«Bas kólik prokýratýrasynyń úılestirýimen Semeı jáne Aıagóz stantsııalary arasyndaǵy ýchaskede júk poıyzdarynan birneshe ret ferroqorytpa urlaǵan toptyń qylmystyq áreketi toqtatyldy. Bul júk «Qazhrom» TUK» AQ quramyna kiretin Aqsý ferroqorytpa zaýytyna tıesili bolǵan. Júk Qytaı arqyly Japonııa men Úndistanǵa jiberilgen bolatyn», - deıdi Kóliktegi PD bastyǵy Baqytjan Malybaev málimdedi.
Kompanııaǵa keltirilgen zalal somasy 370 mln teńgeden asyp otyr.
Abaı oblysy Jarma aýdandyq sotynyń sheshimimen aıyptalýshylar kináli dep tanylyp, 5 jyldan 6 jylǵa deıin bas bostandyǵynan aıyryldy. Úkim zańdy kúshine engen joq.
Eske salsaq, osyǵan deıin Abaı oblysynda depo basshysy men mashınıst 3 myń tonnadan astam janarmaı urlaǵany habarlanǵan.
