Abaı oblysynda 30 adam mas kúıde kólik aıdaǵan

SEMEI. KAZINFORM – Abaı oblysynda aqpan aıynyń 5-inen beri mas kúıde kólik aıdaǵan 30 adam anyqtaldy.

Óńir aýmaǵynda jol qozǵalysy erejelerin buzýshylyqtardy anyqtaýǵa, jol-kólik oqıǵalarynyń aldyn alýǵa baǵyttalǵan «Qaýipsiz jol» jedel aldyn alý sharasy ótkizildi.

Sonyń barysynda patrýldik polıtsııa ınspektorlary jol qozǵalysy erejelerin buzýdyń 4 myńnan astam faktisin tirkedi. Onyń ishinde jergilikti jáne respýblıkalyq mańyzy bar joldarda 1 277 buzýshylyq anyqtalǵan.

«80-nen astam adam kóligin tıisti ruqsatsyz túrlendirip alǵan. 250 júrgizýshi avtokólikti basqarý kezinde uıaly telefondy paıdalandy. 700-den astam júrgizýshi men jolaýshy qaýipsizdik beldigin taqpaǵan», - dep habarlady Abaı oblystyq Polıtsııa departamentinen.

Reıd barysynda mas kúıde kólik tizgindegen 30-dan astam adam anyqtaldy. Al 12 júrgizýshi kólik basqarý quqyǵynan aıyrylsa da rýlge otyrǵan. Budan bólek, 300-den astam jaıaý júrginshi joldan ótý erejelerin buzǵany úshin ákimshilik jaýapkershilikke tartyldy.