Abaı oblysynda 3 010 sýquzǵyndy atýǵa ruqsat beriledi

ASTANA. KAZINFORM — 2025 jyldyń 16 shildesinde saǵat 15:00–de Abaı oblysynda úlken sýquzǵyn (lat. Phalacrocorax carbo) qustarynyń sanyn retteýge arnalǵan ruqsat alý júıesi iske qosylady, dep habarlaıdy Orman sharýashylyǵy jáne janýarlar dúnıesi komıteti.

Komıtet atap ótkendeı, ótinimder www.elicense.kz elektrondyq úkimet portalynda qabyldanady.

— Bul shara qustardyń shamadan tys kóbeıýi saldarynan tabıǵı tepe-teńdikti saqtaý jáne balyq qoryn qorǵaý maqsatynda júzege asyrylyp otyr. Bıyl Abaı oblysy boıynsha 3 010 sýquzǵyndy atýǵa ruqsat (lımıt) berilmek. Bul ruqsat erekshe qorǵalatyn tabıǵı aýmaqtarǵa qatysty emes. Lımıtke negiz bolǵan bıologııalyq qorytyndy arnaıy saraptamaǵa súıene otyryp daıyndalǵan, — delingen vedomstvo habarlamasynda.

Ruqsattar Qazaqstan Ekologııa, geologııa jáne tabıǵı resýrstar mınıstriniń bekitilgen erejelerine sáıkes beriledi. Qyzmet tolyq avtomattandyrylǵan — ótinim jiberilgennen keıin 20 mınýt ishinde ruqsat beriledi, adam aralaspaıdy.

Buǵan deıin Batys Qazaqstanda kıik sanyn retteý jumysy qalaı júrgizilip jatqanyn jazǵan edik.