Abaı oblysynda 26 jylqy urlaǵan qylmystyq top ustaldy
ASTANA. KAZINFORM – Abaı oblysynda polıtseıler eki adamnan turatyn qylmystyq topty qolǵa túsirdi. Bul týraly Polisia.kz habarlady.
Qalbataý – Semeı tas jolynda avtokólikterdi tekserý barysynda Jarma aýdany turǵynynyń kóligi toqtatyldy. Ol et tasymaldamaq bolǵan.
Tsıfrlyq chıpteýdiń tergeý kezinde mal ıesin qıyndyqsyz anyqtaýǵa kómegi tıgen. Ustalǵandar ýaqytsha ustaý ızolıatoryna qamaldy. Olar aımaq turǵyndaryna tıesili 26 jylqyny urlady degen kúdikke ilindi.
Mal urlyǵyna jol bermeý úshin ІІM tómendegi qaýipsizdik normalaryn saqtaýdy usynady:
– maldy qaraýsyz qaldyrmańyz;
– GPS-trekerlerdi ornatý arqyly asyl tuqymdy maldy baqylaýdyń zamanaýı ádisterin qoldanyńyz;
– maldy chıpteýdi umytpańyz, bul bolashaqta urlanǵan maldy izdeýge, sondaı-aq yqtımal daýlardy sheshýge kómektesedi.
