Abaı oblysynda 2024 jyly 104 áleýmettik nysan salý josparlanyp otyr
Abaı oblysynyń ákimi Nurlan Uranhaevtyń tóraǵalyǵymen keńeıtilgen apparattyq keńes ótti. Jıynǵa basqarma basshylary, qala, aýdan ákimderi qatysty.
Otyrysta 2023 jylǵy óńirlik jumyspen qamtý kartasynyń oryndalý qorytyndysy qaralyp, 2024 jylǵa arnalǵan jospar bekitilip, jańa jáne aýyspaly jobalardyń jobalyq-smetalyq qujattamasyn ázirleý barysy talqylandy.
Óńirlik jumyspen qamtý kartasy sheńberinde 2023 jyly oblysta 27 557 jumys orny qurylyp, jospar 110,6%-ǵa oryndaldy. 2024 jylǵa qaraı bıznes-ıdeıalardy júzege asyrý úshin 23 879 jumys ornyn qurý, 484 shaǵyn nesıe berý jáne 204 grant berý josparlanǵan.
2024 jyly bıýdjet qarajaty esebinen 104 áleýmettik nysannyń qurylysy josparlanǵan. Onyń ishinde: densaýlyq saqtaý salasynda – 67 nysan, áleýmettik qamsyzdandyrý salasynda – 1 nysan, bilim berý salasynda – 16 nysan, 11 sport nysany, 3 mádenıet nysany. «Aýyl – El besigi» baǵdarlamasy aıasynda 55 joba júzege asyrylyp jatyr, onyń biri 2023 jyldan bastap qoldanysqa endi. Abaı oblysynyń energetıka jáne turǵyn úı-kommýnaldyq sharýashylyq basqarmasy 141 ınfraqurylymdyq jobany júzege asyryp jatyr.
Otyrysta qalalyq/aýdandyq ákimdik pen oblystyq basqarmalardyń jeke jáne zańdy tulǵalardyń ótinishterin qaraý jumystary da talqylandy. 2023 jyldyń qorytyndysynda Abaı oblysynyń jergilikti atqarýshy organdaryna 29 481 ótinish kelip túsken. Azamattardy qabyldaý ortalyǵynda jeke qabyldaýlar bekitilgen kestege sáıkes júrgiziledi.
