Abaı oblysynda 20 jastaǵy qyzdyń ólimi boıynsha kúdikti ustaldy
SEMEI. KAZINFORM — Abaı oblysy Borodýlıha aýdanynda polıtsııa 20 jastaǵy qyzdyń ólimi boıynsha kúdiktini ustady.
Oblystyq Polıtsııa departamenti baspasóz qyzmetiniń málimetine súıensek, oqıǵa Borodýlıha aýylynda bolǵan.
— 20 jastaǵy turǵynynyń qaza bolý faktisi boıynsha sotqa deıingi tergeý júrgizildi. Kúdikti ustalyp, ýaqytsha ustaý ızolıatoryna qamaldy. Qazirgi ýaqytta sotqa deıingi tergeý aıaqtaldy. Protseske qatysýshylar qylmystyq is materıaldarymen tanysyp jatyr. Tanysý aıaqtalǵannan keıin qylmystyq is qylmystyq-protsestik zańnamada belgilengen tártippen sotqa joldanady, — delingen aqparatta.
Beıresmı málimetterge súıensek, qyz pyshaq jaraqatynan kóz jumǵan.
Eske salsaq, osyǵan deıin Astanada 20 jyl buryn jasalǵan kisi óltirý qylmysy áshkerelengeni habarlanǵan.
