Abaı oblysynda 2-aýysym oqýshylary da onlaınǵa kóshti

Abaı oblysynda kún raıynyń qolaısyzdyǵyna baılanysty búgin ekinshi aýysymdaǵy mektep oqýshylary qashyqtan oqýǵa kóshirildi, dep habarlaıdy Kazinform.

Óńir ákimdiginiń málimetine súıensek, Aqsýat aýdanynyń 11 mektebindegi 1-4 synyp, 2 mektebindegi 1-9 synyp oqýshylary; Jarma aýdanynyń 6 mektebindegi 1-4 synyp, 2 mektebindegi 1-9 synyp oqýshylary úshin sabaq onlaın formatqa aýystyryldy.

Oblystyń qalǵan aýdandary men qalalarynda mektepter shtatty rejımde oqyp jatyr.

Aıta keteıik, búgin Abaı óńirindegi jekelegen mektepterde birinshi aýysym oqýshylary sabaqqa barǵan joq.

Sondaı-aq 19 jeltoqsan, saǵat 11:30-dan bastap, «Maqanshy – Jalańashkól» trassasynyń 0-133 shaqyrym, «Maqanshy – Úsharal» avtojolynyń 0-48 shaqyrym aralyǵynda kólik qozǵalysyna shekteý engizildi.