Abaı oblysynda 17 myń gektar jer memleketke qaıtaryldy

SEMEI.KAZINFORM – Jarma aýdanynyń prokýratýrasy jergilikti sharýa qojalyqtarynyń biri ózine berilgen 17 myń gektardan astam jer telimin óz maqsatyna paıdalanbaı, uzaq ýaqyt úshinshi tulǵalarǵa qosalqy jalǵa bergenin anyqtady. Bul týraly Abaı oblysy prokýratýrasynyń baspasóz qyzmeti málim etti. 

«Sot sheshimimen bul jer ýchaskeleri memleketke qaıtaryldy. Olardyń kadastrlyq quny 329 mln. teńgeni qurady»,- delingen habarlamada. 

Málim bolǵandaı, qazirgi ýaqytta jer telimderin paıdalanýǵa muqtaj ózge de kásipkerlerge, onyń ishinde ınvestıtsııalyq jobalardy júzege asyrý úshin jergilikti ınvestorlarǵa berý máselesi qarastyrylyp jatyr.